ტოკიოს ოლიმპიადაზე ერთდროულად 4 ოქროს მედალი ჟენგ ტაომ მოიპოვა. მას ხელები არ აქვს და ცურვის 4 სახეობაში საუკეთესო შედეგი აჩვენა: 50 მეტრზე ბატერფლაიში, 50 მეტრზე თავისუფალი სტილით, 50 მეტრზე ზურგზე ცურვით და ასევე 4×50 ესტაფეტა თავისუფალი სტილით.
პარაოლიმპიელი ჟენგ ტაო ჩინეთიდანაა, ის 30 წლისაა და ცურვა 13 წლის ასაკში დაიწყო, მას შემდეგ, როცა ელექტრო შოკის შედეგად ხელები სრულად დაკარგა.
მედიაში გავრცელებული ინფორმაციის მიხედვით, ჟენგ ტაო ოლიმპიადამდე დღეში 120 კმ-ს ცურავდა.
ჟენგ ტაომ პარაოლიმპიადებზე 2012 წლიდან მონაწილეობს.
სოციალურ ქსელში განსაკუთრებით პოპულარული ჟენგ ტაოს ვიდეომიმართვა აღმოჩნდა: ცურვის დროს პარაოლიმპიელმა ჟენგმა თავის 2 წლის ქალიშვილს უთხრა:
„შვილო, შემომხედე, მე შემიძლია ასე სწრაფად ცურვა ხელების გარეშე“, – თქვა ჟენგ ტაომ.
ჟენგ ტაო დღეისათვის ჯამში 10 ოლიმპიური მედლის მფლობელია. სპორტსმენმა დაჯილდოების შემდეგ განაცხადა, რომ ეს მისი ბოლო ოლიმპიადაა.
