ღორჯომი ზამთრისთვის ემზადება [ფოტო]

ღორჯომი ზღვის დონიდან 1200 მეტრზე მაღლა მდებარე ერთ-ერთი ყველაზე გამორჩეული თემია აჭარის მაღალმთიანეთში ხისგან ნაშენი ძველი სახლებით, უძველესი ტრადიციებით, ადგილობრივი კერძებით და შთამბეჭდავი პეიზაჟებით წელიწადის ნებისმიერ დროს, თუმცა ზამთრობით ღორჯომში ბარიდან ასვლა დიდთოვლობის გამო რთულია.

აქ მცხოვრები ადამიანები მესაქონლეობით, მიწათმოქმედებით ირჩენენ თავს. შემოდგომა ღორჯომელებისთვის ჭირნახულის დაბინავებისა და გრძელი ზამთრისთვის მზადების დროა.

• ღორჯომის ხედი ბახმაროსკენ მიმავალი გზიდან

• ღორჯომის ხეობა, სოფელი გორგაძეები

• გორგაძეების ოჯახი ზამთრისთვის სარჩოს იმარაგებს. მოცვისგან სურნელოვან ჩაის დაამზადებენ ზამთარში, ოჯახის წევრები ლობიოს ერთად არჩევენ.

• 80 წლის გრიგოლ გორგაძე შვილიშვილთან ერთად, საკუთარ ეზოში.

• ბავშვები ღორჯომის ხეობიდან.

• მზეზე ტკბილ-მჟავე ვაშლის ტყლაპი შრება.

• ღორჯომში ახალ სახლებსაც კი ხისგან აგებენ. ამბობენ, რომ ასეთი სახლები სუნთქავს – ზამთარში თბილია, ზაფხულში კი გრილი.

• ეს ლელის ყიშლაა. ყიშლებს მემთეურთა ხის სახლებს ეძახიან აჭარაში. აქ მყოფები ოქტომბრის შუა რიცხვებიდან აიყრებიან და ბარში დაბრუნდებიან. ყიშლები მომავალ ზაფხულამდე ჩაიკეტება.

• ხის ქოხი, იგივე ყიშლა, პატარა სოფელ ლელში.

• სოფელი ლელი