30 მარტს COVID 19-ის დადასტურებული შემთხვევების რაოდენობა საქართველოში 11-ით გაიზარდა. დილით კორონავირუსით ინფიცირების 92 შემთხვევა იყო დაფიქსირებული, საღამოს კი – 103. ეს პირველი შემთხვევაა, როცა COVID 19-ით დაინფიცირების შემთხვევები საქართველოში ერთ დღეში 11-ით გაიზარდა.
წინა დღეებში COVID 19-ით ინფიცირების მაჩვენებელი ასეთი იყო:
- 26 მარტს – 79 შემთხვევა [წინა დღესთან შედარებით გაიზარდა 4-ით]
- 27 მარტს – 83 [მატება 4-ით]
- 28 მარტს – 90 [7-ით გაიზარდა]
- 29 მარტს – 91 [გაიზარდა 1-ით]
- 30 მარტს – 103 [გაიზარდა 11-ით]
საქართველოში კორონავირუსის პირველი შემთხვევა 26 თებერვალს დადასტურდა.
ნახეთ, როგორ იმატებდა შემთხვევების რაოდენობა 26 თებერვლიდან 26 მარტამდე.
ბოლო მონაცემებით, კორონავირუსით ინფიცირებულ 103 პაციენტს შორის გამოჯანმრთელდა 20 ადამიანი.
30 მარტის მონაცემებით, კარანტინის რეჟიმშია – 5 114, სტაციონარში მეთვალყურეობის ქვეშ კი რჩება 263 ადამიანი.
