ნაციონალური მოძრაობის ოფისზე გაკრული პლაკატი
„ოფისში ვიდეოთვალი გვაქვს დამონტაჟებული, რომელმაც დააფიქსირა ორი პირი დილის 6 საათზე. თუ წინა შემთხვევის დროს ნიღბით იყვნენ მოსული, ამ შემთხვევაში ნიღბები არ ეკეთათ,“- ამბობს რაულ თავართქილაძე.
„ნაციონალური მოძრაობის“ წევრი ამბობს, რომ ვიდეოთვალის მიერ დაფიქსირებული პირები მათ ვერ ამოიცნეს.
„ფირები გადავეცით პოლიციას, რომელიც ამ დილით, ათი საათისთვის გამოვიძახეთ. იმედი გვაქვს გამოძიებას დაიწყებენ და დაადგენენ დამნაშავეებს,“- აცხადებს ის.
„ნაციონალური მოძრაობის“ ოფისის პირველ სართულზე საგამოფენო დარბაზი ფუნქციონირებს, სადაც ამჟამად გამოფენილია მხატვარ ნინო ყუბანეიშვილის ნახატები.
