დღეს, 17 ივლისს, მმართველი პარტიის ხელმძღვანელი ბიძინა ივანიშვილი ბათუმში, სასტუმრო „ჰილტონში“ იმყოფებოდა, სადაც „ქართული ოცნების“ აჭარის რეგიონული ორგანიზაცია დაფუძნდა.
ორგანიზაციის ხელმძღვანელად აჭარის მთავრობის თავმჯდომარე თორნიკე რიჟვაძე წარადგინეს. აქამდე „ქართული ოცნების“ რეგიონული ორგანიზაცია არ არსებობდა.
პარტიის აჭარის რეგიონულ ხელმძღვანელად თორნიკე რიჟვაძე ივანიშვილმა წარადგინა. ივანიშვილის „ჰილტონში“ სტუმრობა ენმ-სა და სხვა აქტივისტების პროტესტის ფონზე მიმდინარეობდა. აქციაზე გამოჩნდა ტრანსპარანტები: „STOP ბიძინა“, „წადი გახარია“. აქტივისტებსა და პოლიციას შორის შეხლა-შემოხლასაც ჰქონდა ადგილი.
ივანიშვილმა „ჰილტონი“ რამდენიმე წუთის წინ დატოვა.
