შაბათს, 17 ნოემბერს, 17:00 საათზე, ბათუმის თანამედროვე ხელოვნების სივრცეში მწერალ ანა კორძაია- სამადაშვილის საჯარო ლექცია გაიმართება თემაზე – „ჰერმან ჰესეს რომანების სამყარო“.
ანა კორძაია-სამადაშვილის საჯარო ლექციათა ციკლი „ლიტოდისეის“ სტუდენტური კონკურსის – „იმოგზაურე, რომ მოჰყვე“ ფარგლებში იმართება.
კონკურსის მიზანია რეგიონებში კულტურული პრობლემების წარმოჩენა, ლიტერატურის პოპულარიზაცია და ნიჭიერი შემოქმედებითი ახალგაზრდების ხელშეწყობა.
„იმოგზაურე, რომ მოჰყვე“ საჯარო ლექციების ორგანიზებასთან ერთად მხატვრული წერის კონკურსიცაა, რომლის ფარგლებში შერჩეული მონაწილეები საქართველოს 7 რეგიონში
მოგზაურობენ, მხატვრულად აღწერენ მათი პერსპექტივით დანახულ ქალაქებს, 2019 წელს კი „ბაკურ სულაკაურის გამომცემლობა“ მათ ჩანაწერებს წიგნად გამოსცემს.
კონკურსის მხარდამჭერია გოეთეს ინსტიტუტი.
______
ფოტოზე: ანა კორძაია-სამადაშვილი. „ბათუმელები“, თამარ ნერგაძის ფოტო
