ბათუმში, გორგასლის ქუჩის #86 -ში მშენებელი კომპანია ისტორიული ერთსართულიანი ბელეტაჟის დემონტაჟს და ამ ადგილზე ახალი ცხრასართულიანი სახლის მშენებლობას გეგმავს. ერთსართულიან სახლს ძეგლის სტატუსი არ აქვს, თუმცა ძეგლის დაცვის ზონაშია.
ბათუმი, გორგასლის ქუჩა #86
ამ პროექტისთვის ადგილის გამოსათავისუფლებლად კომპანია კიდევ ერთი ორსართულიანი სახლის დემონტაჟს გეგმავს, რომელსაც გამწვანებული ეზო აქვს.
მშენებლობას კომპანია „ბი გრუპ ჰაუსი“ გეგმავს, კომპანიამ აჭარის კულტურული მემკვიდრეობის სააგენტოს ზონალური საბჭოსგან თანხმობა მიიღო. კომპანია 2015 წელსაა დაფუძნებული და 100 – ვე პროცენტი მამია კომახიძეს ეკუთვნის.
მაღლივი კორპუსის მშენებლობა იგეგმება გორგასლის #80/82-შიც. ამ მისამართზე განაშენიანების ინტენსივობის კოეფიციენტის გაზრდაზე აჭარის მთავრობის თავმჯდომარემ კომპანია „ჯეობილდინგ +“ – ს უშუამდგომლა.
გორგასლის ქუჩა # 80, ახალი პროექტი ამ სახლის დემონტაჟს ითვალისწინებს.
გორგასლის ქუჩა # 82. ამ ჭიშკრის მიღმა ერთსართულიანი კრამიტით გადახურული სახლია, რომელსაც ახალი პროექტის განხორციელების შემთხვევაში ასევე ემუქრება დანგრევა.
