ორგანიზატორების ინფორმაციით ტურნირში ითამაშებენ 10 ქვეყნის ელიტარული ტელე-კლუბების წევრები: მაქსიმ პოტაშევი, ილია ნოვიკოვი, ელენა ორლოვა, ვლადიმერ სტეპანოვი, ბალაშ კასუმოვი, გიორგი ბაქრაძე, ია მეტრეველი, ოთარ საბაშვილი, დავით რაფავა და სხვები.
ჟიურის წევრები იქნებიან ცნობილი მოაზროვნეები: ალექსანდრ რუბინი (მოსკოვი), ალეს მუხინი (მინსკი), ალექსანდრ ანდროსოვი (ოდესა).
შავი ზღვის მეოთხე ღია თასის ფარგლებში ასევე გაიმართება ბრეინ-რინგის ტურნირი (2 აგვისტო, 12:00 სთ, კლუბი „Take Five“ ბათუმის ბულვარში (Sheraton Batumi Hotel-ის გასწვრივ).
ღონისძიების გენერალური სპონსორია კომპანია „SILKNET“.
ფესტივალის დახურვა და დაჯილდოება გაიმართება 2 აგვისტოს 15:00 საათზე კლუბში „Take Five“ ბათუმის ბულვარში (Sheraton Batumi Hotel-ის გასწვრივ).
„შავი ზღვის ღია თასმა“, უკვე ოთხი წელია, რაც ჩაანაცვლა სამხრეთ კავკასიის ჩემპიონატი, რომელსაც 1998-2011 წლებშიც აჭარა მასპინძლობდა.
2013 წელს, შავი ზღვის თასის გათამაშებაში გამარჯვება იზეიმა მოსკოვის გუნდმა „აფინა“ (კაპიტანი – მაქსიმ პოტაშოვი). 2014 წელს გაიმარჯვა დნეპროპრეტროვსკის გუნდმა „პრიმატები“ (უკრაინა, კაპიტანი – არსენ მალინოვსკი).
საქართველოში ინტელექტუალური თამაში „რა? სად? როდის?“ იმართება 1991 წლიდან. სპორტულ ვერსიაში ყოველწლიურად მონაწილეობს 200-ზე მეტი გუნდი და 10 000-ზე მეტი მოაზროვნე.
