წელს ბათუმში ზღვის ძუძუმწოვრის გამორიყვის პირველი შემთხვევა დაფიქსირდა. ზღვის ძუძუმწოვარი – Phocaena phocaena relicta, რესტორან „სან-რემოს“ მიმდებარე ტერიტორიაზე შენიშნეს. ზღვის ძუძუმწოვრის ფოტოს მეთევზეობისა და შავი ზღვის მონიტორინგის დეპარტამენტის ხელმძღვანელი, არჩილ გუჩმანიძე, ფეისბუქით ავრცელებს.
მეთევზეობისა და შავი ზღვის მონიტორინგის დეპარტამენტი ზღვის ძუძუმწოვრების ნაპირზე გამორიყვის მონიტორინგს 2007 წლიდან ეროვნული ქსელის მეშვეობით აწარმოებს.
დელფინების დახოცვისა და გამორიყვის ძირითად მიზეზად ზღვის დაბინძურებით გამოწვეული დაავადებები მიიჩნევა.
