როგორი ამინდი იქნება ბათუმში უახლოეს დღეებში

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 29 ოქტომბრის 21 საათიდან 30 ოქტომბრის 21 საათამდე აჭარაში მოსალოდნელია ღრუბლიანობის მომატება. ღამით ზოგან, დღისით კი მთელს აჭარაში იწვიმებს.

იქროლებს დასავლეთის მიმართულების ქარი 10-15 მეტრი წამში.

ჰაერის ტემპერატურა სანაპირო ზოლსა და მთიან მუნიციპალიტეტებში:

• დღისით: 18 – 23 გრადუსი სითბო
  ღამით: 10 – 15 გრადუსი სითბო

მაღალმთიან ზონაში:

• დღისით: 10 – 15 გრადუსი სითბო
  ღამით: 2 – 7 გრადუსი სითბო

ზღვის ღელვა 2-3 ბალი იქნება. ზღვის წყლის ტემპერატურა +20 გრადუსია.

სინოპტიკოსების ცნობით, 31 ოქტომბერს მოსალოდნელია წვიმა, მომდევნო 2 დღეს კი უმეტესად უნალექო ამინდი.