ბათუმში კრიმინალური პოლიციის მანქანა ავარიაში მოყვა: “ბათუმელებს” თვითმხილველმა უთხრა, რომ კრიმინალური პოლიციის ავტომანქანა გრიბოედოვის და გორგილაძის ქუჩების კვეთაში ჯერ მსუბუქ ავტომანქანას შეეჯახა, შემდეგ კი, მაღაზიაში შევარდა.
ავტოსაგზაო შემთხვევა დღეს, 10 აგვისტოს მოხდა. ავტომანქანა სავარაუდოდ ბათუმის პოლიციის პირველ განყოფილებას ეკუთვნის.
უცნობია, ავარიის შედეგად დაშავდა თუ არა ვინმე.
“ბათუმელები” ელოდება ინფორმაციას შსს-დან.
განახლება: შსს-ს პრესცენტრის ინფორმაციით, ავარიის შედეგად არავინ დაშავებულა და სისხლის სამართლის წესით გამოძიება არ დაუწყიათ. დაწყებულია ადმინისტრაციული სამართალწარმოება ადმინისტრაციულ სამართალდარღვევათა კოდექსის 125-ე მუხლის შესაბამისად.