პოლონეთმა ქვეყანაში შესვლა აუკრძალა 8 ქართველ სამართალდამცავს, რომლებიც, პოლონეთის საგარეო საქმეთა სამინისტროს განცხადების თანახმად, აქციის მონაწილეების მიმართ ძალადობაზე არიან პასუხისმგებელნი.
„საქართველოში ოპოზიციის წინააღმდეგ გაძლიერებული რეპრესიების საპასუხოდ, პოლონეთმა რვა სამართალდამცავი პირის შემოსვლა აკრძალა, რომლებიც პასუხისმგებელნი არიან მომიტინგეების მიმართ ძალადობის გამოყენებაში“ – წერს პოლონეთის საგარეო საქმეთა სამინისტრო X-ზე.
ამავე განცხადებაში აღნიშნულია, რომ პოლონეთი მხარს უჭერს საქართველოში საზოგადოების პროევროპულ მისწრაფებებს.
ჯერჯერობით უცნობია, კონკრეტულად რომელ სამართალდამცავებს ეხება აღნიშნული სანქცია.
_________________
ფოტო: ევროპის პრესფოტო სააგენტო. EPA-EFE/Marcin Bielecki
