დანია უკრაინას წელს გადასცემს გამანადგურებლების, F-16-ის მორიგ პარტიას. ამის შესახებ დანიის თავდაცვის მინისტრმა ტროელს ლუნდ პულსენმა განაცხადა.
მისი თქმით, F-16-ებს უკრაინას 2024 წლის მეორე ნახევარში მიაწვდიან. მას არ დაუკონკრეტებია ავიაგამანადგურებლების რაოდენობა, რომელთა გადაცემასაც დანია უკრაინისთვის გეგმავს, თუმცა, დანიური მედიის ცნობით, დანია უკრაინას ჯამში 19 ერთეულ F-16-ს გადასცემს.
F-16-ის პირველი პარტია უკრაინამ დანიისგან აგვისტოს დასაწყისში მიიღო.