დღეს, პირველ სექტემბერს, რუსეთმა მორიგი სარაკეტო თავდასხმა განახორციელა უკრაინაში, ქალაქ ხარკოვზე.
უკრაინული მედიის ცნობით, რუსეთის შეიარაღებულმა ძალებმა სარაკეტო შეტევა განახორციელეს სამ ადგილას: ხარკოვის სპორტის სასახლეზე, სავაჭრო ცენტრი სალტოვსკის რაიონში და ჰიდროპარკის ტერიტორიაზე – კიევსკის რაიონში.
რუსეთის სარაკეტო დარტყმის შედეგად ხარკოვში, ბოლო ცნობებით, 41 ადამიანი დაშავდა, მათ შორის 5 ბავშვია, თუმცა ინფორმაცია დაშავებულების შესახებ ზუსტდება.
ხარკოვის რეგიონული სამხედრო ადმინისტრაციის ხელმძღვანელი ოლეგ სინეგუბოვი იუწყება, რომ წინასწარი მონაცემებით, ხარკოვში რუსეთმა დღეს „ისკანდერის“ ტიპის რაკეტები გამოიყენა.