დღეს, 26 აგვისტოს, დილით, უკრაინული დრონები რუსეთის ქალაქებში: სარატოვსა და ენგელსში მაღალსართულიან საცხოვრებელ კორპუსებს შეეჯახა. რუსული მედიის ცნობით, სარატოვში დრონი დაეჯახა 37-სართულიან საცხოვრებელ კომპლექს Volga Sky-ის, ქალაქის ყველაზე მაღალ შენობას. დრონის შეჯახების შედეგად რამდენიმე ადამიანი დაშავდა.
უკრაინული დრონების სამიზნე იყო რუსეთის სამხედრო საჰაერო ბაზა ქალაქ ენგელსში, სადაც ბომბდამშენებია განთავსებული.
ქალაქები: სარატოვი და ენგელსი მდებარეობს მდინარე ვოლგის მარჯვენა და მარცხენა ნაპირებზე.
რუსეთის თავდაცვის სამინისტრომ განაცხადა, რომ 26 აგვისტოს რუსეთის საჰაერო თავდაცვის სისტემებმა ოცი უკრაინული დრონი ჩამოაგდეს.
____________
ფოტო: ria.ru