ეგნატე ნინოშვილის ბიუსტის დამზადებასა და მონტაჟში ბათუმის მერია მაქსიმუმ 47 ათას 500 ლარს გადაიხდის. ბიუსტი ბათუმში, რუსთაველისა და გრიბოედოვის ქუჩების კვეთასთან, საზღვაო აკადემიის მოპირდაპირედ მდებარე კვარცხლბეკზე განთავსდება. ეს კვარცხლბეკი აქ წლებია დგას. როგორც ბათუმის მერიაში გვითხრეს, ამ კვარცხლბეკზე ადრეც ნინოშვილის ბიუსტი იდგა, თუმცა ის წლების წინ დაიკარგა.
ტენდერი უკვე გამოცხადებულია. წინადადებების მიღება 2 ნოემბერს დაიწყება და 11 ნოემბერს დასრულდება. ბიუსტი კვარცხლბეკზე ხელშეკრულების გაფორმებიდან 2017 წლის 25 დეკემბრამდე უნდა განთავსდეს.
