Batumelebi | მურმან დუმბაძის ბიუროს ბათუმის მერიიდან ასახლებენ მურმან დუმბაძის ბიუროს ბათუმის მერიიდან ასახლებენ – Batumelebi
RU | GE  

მურმან დუმბაძის ბიუროს ბათუმის მერიიდან ასახლებენ

 

საქართველოს პარლამენტის ვიცე-სპიკერს მურმან დუმბაძეს ბათუმში ბიუროსთვის ახალი ფართობის მოძებნა მოუწევს. უახლოეს მომავალში მისი ბიუროს წევრებს ბათუმის მერიის შენობას დაატოვებინებენ.

 

 საკრებულოს თავმჯდომარემ ირაკლი ჭეიშვილმა „ბათუმელებს“ უთხრა, რომ ამ საკითხთან დაკავშირებით ინფორმაციას არ ფლობს, „რადგან ეს მერიის პრეროგატივაა“.

 

ბათუმის მერიის შენობაში პირველ სართულზე მურმან დუმბაძის ბიურო, სინამდვილეში ბათუმის მაჟორიტარის უმაღლეს საბჭოში აკაკი ძნელაძის ბიუროა. 

 

მუნიციპალიტეტს კანონმდებლობით აქვს ვალდებულება ბათუმის მაჟორიტარს ბიუროსთვის სამუშაო ფართობი გამოუყოს. 

 

პარლამენტის ვიცე-სპიკერის მურმან დუმბაძის ბიუროც აკაკი ძნელაძისთვის გამოყოფილ ოთახში ფუნქციონირებს. აკაკი ძნელაძე „ბათუმელებთან“ განმარტავს, რომ მას მუშაობაში მურმან დუმბაძის ბიუროს წევრები ხელს არ უშლიან, თუმცა მისი ინფორმაციით, საკრებულო მურმან დუმბაძის ბიუროს შენობის დატოვების მოთხოვნის საკითხს განიხილავს.

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე