Batumelebi | უნივერსიტეტში აკადემიური საბჭოს ახალი წევრი აირჩიეს უნივერსიტეტში აკადემიური საბჭოს ახალი წევრი აირჩიეს – Batumelebi
RU | GE  

უნივერსიტეტში აკადემიური საბჭოს ახალი წევრი აირჩიეს

 

19 თებერვალს ბათუმის შოთა რუსთაველის უნივერსიტეტში, ფიზიკა-მათემატიკისა და კომპიუტერულ მეცნიერებათა ფაკულტეტეტიდან აკადემიური საბჭოს ახალი წევრი აირჩიეს. არჩევნებში ორი კანდიდატი, ვლადიმერ ბალაძე და ზაზა დავითაძე მონაწილეობდნენ. ხმათა უმრავლესობით აკადემიური საბჭოს წევრი ზაზა დავითაძე  გახდა. 

 

ზაზა დავითაძე
ზაზა დავითაძე

ზაზა დავითაძემ არჩევნებში 16 ხმით გაიმარჯვა, 14 ხმა მიიღო მისმა კონკურენტმა, ვლადიმერ ბალაძემ, საბჭოს წევრობის კიდევ ერთმა კანდიდატმა, იაშა დიასამიძემ კი საკუთარი კანდიდატურა არჩევნებამდე ერთი დღით ადრე მოხსნა. 

უნივერსიტეტის 9 ფაკულტეტიდან აკადემიურ საბჭოში თითო წარმომადგენელია. საბჭო უნივერსიტეტის უმაღლესი წარმომადგენლობითი ორგანოა, რომლის წევრებსაც ფაკულტეტების აკადემიური პერსონალი და ფაკულტეტის საბჭოს წევრი სტუდენტები ირჩევენ ფარული კენჭისყრით. საბჭო ოთხი წლის ვადით ირჩევა და ირჩევს უნივერსიტეტის რექტორს, ამტკიცებს უნივერსიტეტის განვითარების სტრატეგიულ გეგმას, მონაწილეობს ბიუჯეტის დაგეგმვაში და ასე შემდეგ. 

ზაზა დავითაძის გარდა უნივერსიტეტის აკადემიური საბჭოს წევრები არიან: მარინა აროშიძე, გურამ ჩაგანავა, ვაჟა ვერულიძე, მალხაზ ნაკაშიძე, რუსუდან ხუხუნაიშვილი, გული შერვაშიძე, თეიმურაზ ქიქავა და ანზორ დევაძე. საბჭომ 2015 წლის 16 მარტს უნივერსიტეტის ახალი რექტორი უნდა აირჩიოს. ამ დრომდე ოთხი კანდიდატი ადასტურებს რექტორის არჩევნებში მონაწილეობის სურვილს, მათგან ერთ-ერთი აკადემიური საბჭოს წევრია.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"