ბათუმის ბულვარის ადმინისტრაციას რამდენიმე სხვადასხვა სახეობის იხვისა და ბატის შესაძენად 25 ათასი ლარი აქვს გათვალისწინებული. „წყალმცურავი და დეკორატიული ფრინველების შესყიდვაზე“ ბათუმის ბულვარმა ელექტრონული ტენდერი უკვე გამოაცხადა.
ბულვარი 14 წყვილ ფრინველს შეიძენს, საიდანაც ერთი წყვილი ბატი, დანარჩენი იხვები იქნება:
ტენდერი ათ დღეში დასრულდება, გამარჯვებულმა კი ფრინველები ბულვარს ხელშეკრულების გაფორმებიდან ერთ თვეში უნდა მიაწოდოს.
შემოდგომაზე ფრინველების ახალი სახეობების შეძენა რომ იგეგმებოდა, „ბათუმის ბულვარში“ სამი თვის წინ გვითხრეს. ფრინველები ძველ ბულვარში მდებარე ზოოკუთხის განახლებისთვსაა საჭირო.
ბულვარის ადმინისტრაციის ინფორმაციით, ზოოკუთხეში 139 ბინადარია. აქედან 4 ხმელეთის კუ, დანარჩენი კი – ფრინველი. მათივე ინფორმაციით, ყველა მობინადრე ჯანმრთელია.
