Batumelebi | დიდი ოდენობით იარაღი და საბრძოლო მასალა შსს-ს ნებაყოფლობით ჩააბარეს დიდი ოდენობით იარაღი და საბრძოლო მასალა შსს-ს ნებაყოფლობით ჩააბარეს – Batumelebi
RU | GE  

დიდი ოდენობით იარაღი და საბრძოლო მასალა შსს-ს ნებაყოფლობით ჩააბარეს

 

ავტომატური ცეცხლსასროლი იარაღისთვის განკუთვნილი სხვადასხვა კალიბრის 5642 საბრძოლო ვაზნა, 10 მჭიდი, სხვადასხვა ტიპის 100 ხელყუმბარა, 12 გადაჭრილი თოფი, კუსტარულად დამზადებული 2 ავტომატური ცეცხლსასროლი იარაღი, 19 ტანკსაწინააღმდეგო ნაღმი, 8 დეტონატორი და 1,5 კგ ტროტილი – ეს იმ საბრძოლო მასალების ჩამონათვალია, რაც შინაგან საქმეთა სამინისტროს ინფორმაციით, მათ მოქალაქეებმა ნებაყოფლობით ჩააბარეს.

შსს-ს განცხადებით ეს საბრძოლო მასალა მოქალაქეებმა  სამცხე-ჯავახეთის სამხარეო მთავარ სამმართველოში წარმოადგინეს და ნებაყოფლობით ჩააბარეს. გამოძიება კი ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ის 236-ე მუხლის 1-ლი ნაწილით).

ფოტო – შსს–ს ვიდეომასალიდან

 

 

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"