გუშინ ქობულეთში, სოფელ ბობოყვათში ყაჩაღობის შემთხვევა მოხდა. რამდენიმე ნიღბიანი პირი ერთ-ერთ ოჯახს საღამოს ათი საათისთვის დაესხა თავს. ინფორმაციას შს სამინისტროც ადასტურებს.
გამოძიება სისხლის სამართლის კოდექსის 179-ე მუხლით არის დაწყებული.
„ოჯახიდან არაფერი არ არის წაღებული. თუმცა, იურიდიულად მცდელობის ფაქტიც ყაჩაღობად ითვლება“, – აცხადებენ შს სამინისტროს პრესსამსახურში.
პრესსამსახურის ინფორმაციით, დაყაჩაღებული ოჯახის წევრებს ფიზიკური დაზიანებები არ აღენიშნებათ.
