Batumelebi | უმაღლესი საბჭო აჭარის უმაღლესი საარჩევნო კომისიის ახალ წევრს შეარჩევს უმაღლესი საბჭო აჭარის უმაღლესი საარჩევნო კომისიის ახალ წევრს შეარჩევს – Batumelebi
RU | GE  

უმაღლესი საბჭო აჭარის უმაღლესი საარჩევნო კომისიის ახალ წევრს შეარჩევს

 

ფრიდონ ბათნიძე თუ გუგული დუაძე –  უმაღლესი საბჭო აჭარის უმაღლესი საარჩევნო კომისიის (უსკო) ახალ წევრს ამ ორი კანდიდატიდან შეარჩევს.

 

აჭარის უმაღლესი საარჩევნო კომისიის ერთ-ერთ წევრს, მალხაზ კალანდაძეს უფლებამოსილების ვადა გაუვიდა. ახალი წევრის შესარჩევად წევრის უფლებამოსილების ვადის გასვლამდე სამოცი დღით ადრე კანონმდებლობა კონკურსის ჩატარებას ითვალისწინებს. შემდეგ კი, კონკურსგავლილი კანდიდატებიდან ორ ან სამ კანდიდატს აჭარის მთავრობის თავმჯდომარე უმაღლეს საბჭოს წარუდგენს. უმაღლესი საბჭო სასურველ კანდიდატს ფარული კენჭისყრით, ხმათა უმრავლესობით აირჩევს.

 

უსკოს ახალი წევრის ვაკანტური ადგილის დასაკავებლად კონკურსის მოთხოვნები ორმა კონკურსანტმა დააკმაყოფილა:

 

ფრიდონ ბათნიძე ამ დრომდე უსკოს იურიდიული სამსახურის უფროსად მუშაობს. გუგული დუაძე კი ბოლო პერიოდში ბათუმის საოლქო საარჩევნო კომისიის წევრი იყო.

 

ორივე კანდიდატი მთავრობამ უმაღლეს საბჭოს უკვე წარუდგინა,  ამ დროისთვის უსკოს წევრის შერჩევის საკითხს კომისიებში განიხილავენ.

 

 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე