ნეტგაზეთი • RU

ბათუმის უნივერსიტეტის რექტორის მოვალეობას ირაკლი ბარამიძე შეასრულებს

 

ბათუმის შოთა რუსთაველის უნივერსიტეტის აკადემიურმა საბჭომ დააკმაყოფილა უნივერსიტეტის რექტორის, ალიოშა ბაკურიძის თხოვნა თანამდებობის დატოვების შესახებ და 22 იანვარს უნივერსიტეტის რექტორის არჩევნები დანიშნა, რომელიც 2015 წლის 16 მარტს ჩატარდება. 

ირაკლი ბარამიძე

16 მარტამდე ალიოშა ბაკურიძე თანამდებობაზე რჩება, თუმცა იგი ამჟამად ბიულეტენზე იმყოფება, უნივერსიტეტის რექტორის მოვალეობას კი მისი მოადგილე სასწავლო დარგში, ირაკლი ბარამიძე შეასრულებს.

ალიოშა ბაკურიძე ბათუმის შოთა რუსთაველის უნივერსიტეტის რექტორია 2008 წლიდან. მან აკადემიურ საბჭოს თანამდებობიდან გათავისუფლების თხოვნით 20 იანვარს მიმართა და მიზეზად ჯანმრთელობის მდგომარეობა დაასახელა. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"