Batumelebi | მარიამ კოჩალიძის მკვლელობაში ბრალდებული დაკავებულია მარიამ კოჩალიძის მკვლელობაში ბრალდებული დაკავებულია – Batumelebi
RU | GE  

მარიამ კოჩალიძის მკვლელობაში ბრალდებული დაკავებულია

 

 

2013 წლის ზაფხულში ბათუმის ბულვარში 16 წლის  მარიამ კოჩალიძის მკვლელობაში ეჭვმიტანილი პირი, ირანის მოქალაქე მოჰამადამინ როოინთანი ირანში 12 იანვარს დააკავეს. ინფორმაციას ტელეკომპანია „იმედი“ ავრცელებს. 

 

 

მარიამ კოჩალიძე

 

 

 

ირანული მედიის ინფორმაციით, მკვლელობაში ეჭვმიტანილი ირანელმა სამართალდამცავებმა ქვეყნის ჩრდილოეთით,  გომიშანის ოლქში დააკავეს. ინტერნეტგამოცემაზე დაყრდნობით, მუჰამადინ როოინთანი ირანში რვა წლის ბიჭის მკვლელობაშიცაა ეჭვმიტანილი. 29 წლის როოინთანი ჩადენილ მკვლელობებს აღიარებს.

 

 

 შს სამინისტროს პრესსამსახურში აცხადებენ, რომ ირანის მოქალაქის დაკავებაზე ინფორმაციას დაზუსტების შემდეგ მოგვაწვდიან.  

 

 

მკვლელობაში ეჭვმიტანილი  ინტერპოლის მიერ წელიწად-ნახევრის განმავლობაში იძებნებოდა. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"