ბათუმის მერიამ ვეტერანებისთვის თხევადი აირის მიწოდებაზე 15 000-ლარიანი ტენდერი უკვე გამოაცხადა და გამარჯვებულს 16 იანვრისთვის გამოავლენს.
ტენდერში გამარჯვებულმა უნდა უზრუნველყოს: ქ. ბათუმში რეგისტრირებული 100 ვეტერანისა და მათთან გათანაბრებული პირებისათვის თვეში ერთხელ 5 კგ თხევადი აირით ადგილზე მომსახურება და ბინაზე მიტანა; ასევე, ყოველი თვის დასაწყისში მერიას უნდა მიაწოდოს დამზადებული, თხევადი აირის ბეჭდით დამოწმებული ტალონები. მომსახურება უნდა განხორციელდეს ხელშეკრულების გაფორმებიდან 2015 წლის 25 დეკემბრამდე.