ბათუმის მესამე საპყრობილეს ახალი უფროსი ჰყავს [ვიდეო]

„პრობლემებს ვიცი ვერც მე მოვერევი და ჩემი წასვლის შემდეგაც ბევრი პრობლემა  დარჩება, მაგრამ ის რაც იდენთიფიცირებულია უნდა გავაჟღეროთ, სანამ პატარაა პრობლემა ვუმკურნალოთ მას. შელამაზებული ინფორმაციები არ მიყვარს, ვარდისფერი სათვალეებს ძალიან გთხოვთ ნურავინ  გამიკეთებთ“-უთხრა სასჯელაღსრულებისა და პრობაციის მინისტრმა გიორგი მღებრიშვილმა თანამშომლებს, როცა მათ დაწესებულების ახალი დირექტორი წარუდგინა.

კახა გველესიანი

„ბათუმელების“ კითხვაზე  სად აგრძელებს მუშაობას  ყოფილი დირექტორი ალესანდრე [საშა] პეტროსიანი მინისტრმა უპასუხა რომ ჯერ გაურკვეველია, მოგვიანებით კი დააზუსტა რომ ეს ცნობილია, თუმცა  პეტროსიანის ახალ თანამდებობას ჯერ ვერ გაამხელენ.

რა კრიტერიუმებით შეირჩა ახალი დირექტორი, რა გამოცდილება აქვს კახა გველესიანის „ბათუმელების“ ამ კითხვაზე მინისტრმა უპასუხა რომ ეს პირის პირადი ინფორმაციაა და საჯაროდ ამაზე ვერ ისაუბრებს. ერთადერთი დეტალი, რაც მინისტრმა გაასაჯაროვა ისაა, რომ გველესიანი ბოლოს,  სასჯელაღსრულების მეორე დაწესებულებაში, დირექტორის მოადგილის თანამდებობას იკავებდა.

თავად ახალ  დირექტორს  კახა გველესიანს ჟურნალისტებთან კომენტარი არ გაუკეთებია, მან თანამშრომლებთან შეხვედრისას მადლობა გადაუხადა ყოფილ დირექტორს და მინისტრს, ნდობის გამოცხადებისთვის.

კახა გველესიანმა ამ თანამდებობაზე ალექსანდრე პეტროსიანი ჩაანაცვლა.

ალექსანდრე პეტროსიანი