Batumelebi | საკრებულოს თანამდებობის პირების ხელფასები 2015 წელს საკრებულოს თანამდებობის პირების ხელფასები 2015 წელს – Batumelebi
RU | GE  

საკრებულოს თანამდებობის პირების ხელფასები 2015 წელს

 

 ამ წუთებში ბათუმის საკრებულოს სხდომაზე 2015 წლის ბიუჯეტის პროექტს განიხილავენ.  ბიუჯეტის პროექტი ქალაქის მერმა გიორგი ერმაკოვმა წარადგინა. სხდომაზე თანამდებობის პირების სახელფასო დანამატების საკითხიც განიხილება.

 

 

 

საკრებულოს სხდომა ბათუმში
საკრებულოს სხდომა ბათუმში

 

დღის წესრიგში ასევე შეტანილია საკრებულოს თანამდებობის პირების უფლებამოსილების განხორციელების  ხარჯების გაუქმების საკითხიც.

 

ბათუმის საკრებულოში 12 თანამდებობის პირია. თითოეული ხელფასის სახით  თვეში 1350 ლარს იღებდა, უფლებამოსილების ხარჯებისთვის კი – 1000 ლარს. 

 

თვითმმართველობის შესახებ ახალი კანონის თანახმად, საკრებულოს თანამდებობის პირებს მომავალი წლიდან  უფლებამოსილების ხარჯი ანუ ათასლარიანი დანამატი აღარ ექნებათ.

 

თუმცა, ბათუმის საკრებულომ გადაწყვიტა, რომ ათასლარიანი დანამატის გაუქმების სანაცვლოდ საკრებულოს თანამდებობის პირებს ხელფასები 650 ლარით გაუზარდოს.

 

2015 წლიდან საკრებულოს თავმჯდომარის ხელფასი 2750 ლარი იქნება, დანამატის გარეშე, თავმჯდომარის მოადგილის ხელფასი _ 2550 ლარი, საკრებულოს ფრაქციის ხელმძღვანელებისა და კომისიის თავმჯდომარეების ხელფასი, ათასლარიანი დანამატის გაუქმების შემდეგ, 2000 ლარი გახდება.

 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე