ქედის რაიონული სამმართველოს თანამშრომლებმა მდინარე აჭარისწყალზე შველი იპოვეს, რომელსაც ფეხი ჰქონდა დაზიანებული. პოლიციამ შველი ბათუმში გადმოიყვანა. თავდაპირველად შველი პოლიციის მთავარი სამმართველოს ეზოში ჰყავდათ, საიდანაც ბათუმის ზოოპარკში გადაიყვანეს.
როგორც შსს-ს პრესსამსახურის თანამშრომელმა “ბათუმელებს” უთხრა, შველს შესაბამისი გამოკვლევა ჩაუტარდება. მას შემდეგ რაც სპეციალისტები საჭირო სამედიცინო დახმარებას აღმოუჩენენ, გაირკვევა შველის მომავალი ადგილსამყოფელი.
ფეხნატკენი შველი ქედიდან ბათუმში ჩამოიყვანეს ფოტო: მანანა ქველიაშვილი
ფოტო: მანანა ქველიაშვილი
