მსოფლიო მასშტაბით ქირურგიაში ექვსი ორგანოს –  თირკმლის, ღვიძლის, პანკრეასის, გულის, ფილტვისა და წვრილი ნაწლავის ტრანსპლანტაცია ხორციელდება. აქამდე ამათგან საქართველოში მხოლოდ თირკმლის გადანერგვა იყო შესაძლებელი, თუმცა, როგორც სამედიცინო კორპორაცია „ევექსის“ პრესსამსახურში აცხადებენ, ბათუმის რეფერალური საავადმყოფო ღვიძლის ტერმინალური უკმარისობის ანუ ციროზის მქონე პაციენტების ღვიძლის ტრანსპლანტაციისთვის მზად არის.