დღეს, დაახლოებით დილის ექვს საათზე, აჭარა-გურიის ადმინისტრაციულ საზღვართან ერთმანეთს ორი სამარშრუტო მიკროავტობუსი შეეჯახა. შსს-ს ინფორმაციით, მიკროავტობუსები საპირისპირო მიმართულებით მოძრაობდნენ.
აჭარის ჯანდაცვის სამინისტროს ინფორმაციით, ავარიის შედეგად დაშავდა 28 ადამიანი. ისინი სხვადასხვა კლინიკაში გადაიყვანეს. მათ შორის ოთხი რეანიმაციულ განყოფილებაშია მოთავსებული.
შემთხვევის ადგილზე დილიდანვე იმყოფებოდა აჭარის ჯანდაცვის მინისტრი, ზაალ მიქელაძე და მისივე ინფორმაციით, კლინიკებში ექიმები დილიდანვე მობილიზდნენ.
