Batumelebi | “ხოფის“ ხანძრის საქმეზე დაკავებულს წინასწარი პატიმრობა შეუფარდეს “ხოფის“ ხანძრის საქმეზე დაკავებულს წინასწარი პატიმრობა შეუფარდეს – Batumelebi
RU | GE  

“ხოფის“ ხანძრის საქმეზე დაკავებულს წინასწარი პატიმრობა შეუფარდეს

 

დღეს, 10 დეკემბერს, ბათუმის საქალაქო სასამართლომ ე.წ. „ხოფის“ ბაზრობის ხანძართან დაკავშირებით დაკავებულ პირს ორთვიანი წინასწარი პატიმრობა შეუფარდა. 

 

როგორც „ბათუმელებს“ ადვოკატმა, რამაზ ჯორბენაძემ განუცხადა, დაკავებულს ბრალი 240-ე მუხლით აქვს წაყენებული, რაც სამშენებლო სამუშაოს წარმოებისას უსაფრთხოების წესის დარღვევის გამო  ადამიანის სიცოცხლის მოსპობას გულისმხობს და ისჯება თავისუფლების აღკვეთით ექვსიდან ათ წლამდე.

 

დაკავებული ერთ-ერთია, ვინც იმ ტერიტორიაზე, სადაც ხანძარი გაჩნდა, შედუღებით სამუშაოებს აწარმოებდა.  გავრცელებული ვერსიით, ხანძრის მიზეზი შედუღების სამუშაოების დროს გაჩენილი ნაპერწკალი გახდა.

 

7 დეკემბერს „ხოფის“ ბაზრობაზე მომხდარი ხანძრის შედეგად სამი ადამიანი გარდაიცვალა, მათგან ორი ბაზრობაზე დაიწვა, ერთი კი საავადმყოფოში გადაყვანის შემდეგ გარდაიცვალა ხანძრის დროს მიღებული დაზიანებების შედეგად. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"