Batumelebi | საკრებულოს წევრს გადაადგილება შეუზღუდეს საკრებულოს წევრს გადაადგილება შეუზღუდეს – Batumelebi
RU | GE  

საკრებულოს წევრს გადაადგილება შეუზღუდეს

 

 

ამ წუთებში სარფის საბაჟოზე, თურქეთ საქართველოს საზღვართან,  საგარეჯოს საკრებულოს დეპუტატი კაზარფარ მამედოვი იმყოფება, რომელიც  საქართველოს ტერიტორიის დატოვებას და თურქეთში გადასვლას ვდილობს, თუმცა მას მებაჟეები საზღვრის გადაკვეთის უფლებას არ აძლევენ. 

როგორც დეპუტატი „ბათუმელებთან“ საუბარში აცხადებს, მას მებაჟემ ტელეფონით დაალაპარაკა პირი, რომელმაც თავი ფინანსური პოლიციის თანამშრომლად წარუდგინა:

„ტელეფონით მელაპარაკა პირი, გვარად ჟვანია, (სახელი აღარ მახსოვს) და მითხრა რომ იყო ფინანსური პოლიციის საფინანსო დეპარტამენტის გამომძიებელი. დღეს თბილისის პროკურატურაში დაბარებული ხარ მოწმის სტატუსით და ამიტომ, საზღვრის დატოვების უფლება არ გაქვსო. მათ არ განუმარტავთ რა საქმესთან დაკავშირებით ვიყავი დაბარებული პროკურატურაში, რადგან პროკურატურიდან უწყება არ მომსვლია“-აცხადებს საკრებულოს წევრი.    

 

კაზარფარ მამედოვი ამბობს, რომ ის პოლიტპატიმარი იყო და 2012 წელს ამნისტიის შედეგად გაათავისუფლეს.

 

კაზანფარ მამედოვი ამბობს, რომ მან თვითმმარტველობის არჩევნებზე დამოუკიდებელ კანდიდატთან იყარა კენჭი და არჩევნებში გაიმარჯვა.

 

საკრებულოს წევრი ამ დროისთვის სარფის საბაჟოს გამშვებ პუნქტშია გაჩერებული და მებაჟეებისგან ოფიციალურ წერილობით პასუხს ელოდება, თუ რატომ არ აძლევენ საზღვრის გადაკვეთის უფლებას.

 

ირღვევა თუ არა დეპუტატის უფლება და რატომ შეუზღუდეს საკრებულოს წევრს გადაადგილების უფლება, ამ საკითხზე შს სამინისტროს კომენტარს რამდენიმე წუთში მოგაწვდით. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"