ავტომანქანის სახელმწიფო ნომრის ამომცნობ ვიდეოსამეთვალყურეო კამერებს ბათუმის მერია 539 250 ლარად შეისყიდის. ამჯერად კამერები უნდა იყოს ანალიტიკურ პროგრამულ უზრუნველყოფასთან თავსებადი, ამასთან, აღნიშნულ თანხაში შედის კამერების თანმდევი მომსახურებაც.
მერიამ შესაბამისი ხელშეკრულება გამარტივებული შესყიდვის გზით უკვე გააფორმა შპს „დელტა კონსალტინგთან“ 150 ვიდეოკამერაზე. თანხა ქალაქის მიმდინარე წლის ბიუჯეტიდან დაიხარჯება.
ანალოგიურ სათვალთვალო კამერებს შეისყიდის აჭარის დანარჩენი ხუთი მუნიციპალიტეტიც:
შეძენილი ვიდეოკამერები შსს-ში დასაწყობდება და კომპანიის მიერ, შსს-სა და მუნიციპალიტეტის წარმომადგენელთა ჩართულობით, ეტაპობრივად დამონტაჟდება. შემსყიდველს, ანუ მუნიციპალიტეტს, უფლება აქვს კომპანიას მოსთხოვოს არაუმეტეს 20 კამერის დამონტაჟება პროგრამის – „უსაფრთხო ქალაქი, უსაფრთხო რეგიონი, უსაფრთხო ქვეყანა“ ფარგლებში.
მუნიციპალიტეტების მიერ ვიდეოკამერების შესყიდვის დეტალებზე საუბარია შს მინისტრის მოადგილის, დავით ვარდიაშვილის წერილში, რომელიც მან აჭარის მუნიციპალიტეტებს გაუგზავნა:
