Batumelebi | ბათუმის სასამართლოში პატიმრების წამების საქმეზე დაზარალებულებს კითხავენ ბათუმის სასამართლოში პატიმრების წამების საქმეზე დაზარალებულებს კითხავენ – Batumelebi
RU | GE  

ბათუმის სასამართლოში პატიმრების წამების საქმეზე დაზარალებულებს კითხავენ

 

ბათუმის საქალაქო სასამართლოში დილიდან ბათუმის მე-3 საპყრობილეს ყოფილი ხელმძღვანელების სასამართლო პროცესი მიმდინარეობს. პროცეს ესწრებიან როგორც წამებაში ბრალდებულები, ისე დაზარალებულები, ანუ წამების მსხვერპლები. დაზარალებულების მიერ სასამართლოსთვის მოყოლილი ისტორიები ჰგავს საშინელებათა ფილმს, თუმცა, ჯერ კიდევ არ უთქვამს სასამართლოს, რამდენად სიმართლეა ყოფილი პატიმრების მოყოლილი ისტორიები.

 

“გიორგი ვეკუა და მისი მოადგილე ზაზა ჯიქია გვაწამებდნენ… ვერ ავღწერ ამას. ახლაც ცუდად ვარ. ჯანმრთელობა დამენგრა… გვცემდნენ, გვაგინებდნენ.. ბატონო მოსამართლე, დააკავეთ ეს ხალხი, როგორ შეიძლება ამათი გარეთ ყიფნა”, – უთხრა მოსამართლეს ერთ-ერთმა დაზარალებულმა, რომელსაც ამ წუთებში სასამართლო მოწმის სტატუსით ჰკითხავს.

 

ბათუმის საქალაქო სასამართლო
ბათუმის საქალაქო სასამართლო

გიორგი ვეკუა და ზაზა ჯიქია ბათუმის მესამე საპყრობილეს ყოფილი ხელისუფლების პირობებში მართავდნენ. მათ საქმეში ამ დროისთვის 50 პატმარი ფიგურირებს, როგორც დაზარალებული.

ვეკუას და ჯიქიას მოსამართლე დავით მამისეიშვილმა თავის დროზე აღკვეთი ღონისძიების სახით გირაო შეუფარდა. დღევანდელ სასამართლო პროცესს ორივე ბრალდებული ესწრება. საქმეს კი მოსამართლე დავით მამისეიშვილი უძღვება, ხოლო სახელმწიფო ბრალმდებელი ირაკლი გაჩეჩილაძე.

ნეტგაზეთის მასალების სხვა გამოცემებში გადაბეჭდვის წესი
"ნათია როყვა