ნოემბერ-დეკემბრში, აჭარის სამუსიკო სკოლებში შერჩეული 40-მდე ბავშვისთვის, ვანო სარაჯიშვილის სახელობის თბილისის სახელმწიფო კონსერვატორიის ხუთი პედაგოგი (ვიოლინო, ალტი, ჩელო, ფლეიტა და კლარნეტი) და ერთი დირიჟორი რეგულარულ გაკვეთილებს ჩაატარებენ.
გაკვეთილები 16 კალენდარული დღის განმავლობაში ჩატარდება და თითოეული პედაგოგი დღიურად არანაკლებ 8 საათს იმუშავებს.
პროექტის მიზანია აჭარის მასშტაბით საორკესტრო მიმართულების განვითარება და პოპულარიზაცია, ასევე, – შესაბამისი პროფესიონალი კადრების მომზადება სახელოვნებო დაწესებულებებისთვის.
მოსწავლეებს საშუალება ექნებათ პროფესიონალ პედაგოგების დახმარებით დაეუფლონ საორკესტრო ინსტრუმენტებს, რაც მოგვიანებით, ბავშვთა ორკესტრის ჩამოყალიბებასა და ზოგადად, საორკესტრო მიმართულების განვითარებასა და პოპულარიზაციას შეუწყობს ხელს.
პროექტის ფარგლებში, ასევე, შეძენილ იქნება საჭირო მუსიკალური ინსტრუმენტები: ვიოლინო, ჩელო, ფლეიტა და კლარნეტი – საშუალოდ 18 ცალი.
პროექტში მონაწილეობენ ბათუმის ზ. ფალიაშვილის, რ. ლაღიძის, მ. მალანჩივაძისა და ქედის სამუსიკო სკოლების 48 მოსწავლე. მოსწავლეები პედაგოგებმა იმ მუსიკალური მონაცემების მიხედვით შეარჩიეს, რაც პროგრამის მოთხოვნებსა და მიზნებს შეესაბამებოდა.
