Batumelebi | ბათუმის პორტში სასამსახურო ძაღლმა მარიხუანა აღმოაჩინა ბათუმის პორტში სასამსახურო ძაღლმა მარიხუანა აღმოაჩინა – Batumelebi

ბათუმის პორტში სასამსახურო ძაღლმა მარიხუანა აღმოაჩინა

 

შემოსავლების სამსახურის ინფორმაციით, 22 ოქტომბერს  საბაჟო გამშვებ პუნქტში – „ბათუმის პორტი“ შემოსავლების სამსახურის თანამშრომლებმა 30,78 გრამი მარიხუანა აღმოაჩინეს. 

 

ნარკოტიკული საშუალება ბორანზე „ვილნიუს სივეის“ სომხეთის მოქალაქე ი.ლ.-ის კუთვნილ ავტომობილში იყო დამალული. მებაჟე ოფიცრებმა ნარკოტიკი შემოსავლების სამსახურის საბაჟო დეპარტამენტის კინოლოგიის ცენტრის სასამსახურო ძაღლის მეშვეობით იპოვეს.

 

საქმე შემდგომი რეაგირებისთვის გადაეცა ქ. ბათუმის პოლიციის საქალაქო სამმართველოს მეხუთე განყოფილებას.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"