ბათუმის ნიკო ბერძენიშვილის ინსტიტუტი ახალი წიგნის „ტაოს სიძველენი“ გამოცემას გეგმავს. წიგნში იმ სამეცნიერო კვლევების შესახებ იქნება ასახული, რომლებიც ინსტიტუტის მეცნიერ-თანამშრომლებმა ექსპედიციის ფარგლებში მოიპოვეს.
ფოლკლორულ დიალექტოლოგიური და ეთნოლოგიური ექსპედიციის ფარგლებში ინსტიტუტის თანამშრომლები თურქეთის ართვინის ვილაიეთის სოფლებში იმყოფებოდნენ.
ინსტიტუტის დირექტორის როინ მალაყმაძის ინფორმაციით ართვინის ვილაიეთის იუსუფელის რაიონის სოფლებს მეცნიერები შვიდი დღის განმავლობაში იკვლევდნენ.
მეცნიერებმა ქვაბაკში, ელიასხევში, იეთში, საგდიყანაში, ხევეკში, ბარხში, ჭილათში, უტავში, პარხალში, ოთხთა ეკლესიაში, სავრიათში, სარიგოლში, გუდასხევში, არჯევანსა და ბინათში მნიშვნელოვანი მასალები მოიპოვეს.
მკვლევარებმა ასევე ჩაიწერეს საინტერესო ეთნოლოგიური და დიალექტოლოგიური ხასიათის ტექსტები, ტოპონიმები, არქაული ლექსიკური ერთეულები. ნიკო ბერძენიშვილის ინსტიტუტის მეცნიერ-თანამშრომელთა ჯგუფი კვლევითი საქმიანობას მომავალ წელს იმიერ ტაოში, ოლთისის, ტაოსკარისა და თორთომის რაიონებში განაგრძობს.
ამ ექსპედიციის შესახებ ნიკო ბერძენიშვილის ინსტიტუტში ფილმის მომზადებასაც გეგმავენ.
