Batumelebi | აჭარაში თემის სამედიცინო პუნქტებში დასაქმებული 228 მედდა გადამზადდება აჭარაში თემის სამედიცინო პუნქტებში დასაქმებული 228 მედდა გადამზადდება – Batumelebi
RU | GE  

აჭარაში თემის სამედიცინო პუნქტებში დასაქმებული 228 მედდა გადამზადდება

 

აჭარაში, ჯანდაცვის სამინისტროს პროგრამის – „თემის სამედიცინო პუნქტებში დასაქმებული სამედიცინო პერსონალის გადამზადება“ განხორციელება დაიწყო. 

 პროგრამის ფარგლებში გადამზდების კურსს აჭარის ხუთ მუნიციპალიტეტში არსებული 184 თემის სამედიცინო პუნქტის 228 ექთანი გაივლის.
პროგრამის მიზანია, მედდების თეორიული და პრაქტიკული უნარ-ჩვევების გაუმჯობესება და კვალიფიკაციის ამაღლება შემდეგ მიმართულებებში:
1. ბავშვთა ასაკის უხშირესი დაავადებათა მართვა საექთნო დონეზე, ბავშვთა კვებისა და განვითარების საკითხები;
2. მოზრდილი მოსახლეობის ქრონიკულ დაავადებათა მონიტორინგი და რეფერალის ჩვენებები.
 ერთკვირიანი გადამზადების კურსი უკვე ჩაუტარდა ხელვაჩაურის თემის სამედიცნო პუნქტების 44 მედდას. მათ ტესტირების შედეგების გათვალისწინებით სერთიფიკატები აჭარის ჯანდაცვის მინისტრის მოადგილემ ლევან გორგილაძემ გადასცა.
ნეტგაზეთის მასალების სხვა გამოცემებში გადაბეჭდვის წესი
"ბათუმელები"