მთავარი,მთიანი აჭარა,სიახლეები

კიტრი კოკოტაურიდან [ფოტო, ვიდეო]

21.06.2017 • 5253
კიტრი კოკოტაურიდან [ფოტო, ვიდეო]

აჭარაში ხარისხით განსაკუთრებით ქედაში მოყვანილი ბოსტნეული გამოირჩევა. მასზე მოთხოვნა ბათუმის ბაზარშიც მაღალია.

წლების განმავლობაში კიტრს დიდი ოდენობით  ქედის მუნიციპალიტეტის სოფელ კოკოტაურში აწარმოებდნენ. ოჯახებს სეზონის განმავლობაში ტონობით კიტრი მოჰყავდათ, თუმცა ბოლო წლებში კიტრის წარმოება შემცირდა. ახლა სოფელ კოკოტაურში კიტრი სარეალიზაციოდ მხოლოდ რამდენიმე ფერმერს აქვს გაშენებული, მათ შორის ერთ-ერთი ლუთბიე არძენაძეა.

კიტრის ჩითილები სათბურში გამოჰყავთ, შემდეგ ღია გრუნტში გადააქვთ და ვიდრე ძაფზე აიყვანენ, ღია გრუნტში ისევ პოლიეთლენის პარკით ფარავენ.

კიტრის სათბური. ეკა ბარამიძის ფოტო

კიტრის სათბური. ეკა ბარამიძის ფოტო

ლუთბიე არძენაძე. ეკა ბარამიძის ფოტო

ლუთბიე არძენაძე. ეკა ბარამიძის ფოტო

კიტრის სათბური. ეკა ბარამიძის ფოტო

კიტრის სათბური. ეკა ბარამიძის ფოტო

ლუთბიე არძენაძე. ეკა ბარამიძის ფოტო

ლუთბიე არძენაძე. ეკა ბარამიძის ფოტო

შორენა თავართქილაძემ კიტრი კოკოტაურში სათბურში წელს პირველად გამოიყვანა და ბაზარზე გასაყიდად რამდენჯერმე გატანაც მოახერხა.  300  კვადრატული სასათბურე მეურნეობა სახელმწიფოს თანადაფინანსებით მიიღო და სახლის გვერდით მოაწყო.

შორენა პედაგოგია, კოკოტაურის საჯარო სკოლაში ინგლისურ ენასა და ბიოლოგიას ასწავლის. ამბობს, რომ მეურნეობასა და პედაგოგობას ერთმანეთს უთავსებს და ამით ოჯახს ფინანსურად უზრუნველყოფს.

„პირველად რომ ჩავიტანე ბაზარში გადამყიდველებთან, კილოგრამი კიტრი 3 ლარში ჩავაბარე, ახლა 2-2,50 ლარში ვაბარებ. წელს ბაზარზე ქედის კიტრი ცოტაა და ფასიც მაღალია. ვფიქრობ, გაგვიმართლა ვინც წელს სარეალიზაციოდ კიტრი დავრგეთ. როცა სათბურში კიტრი მოილევა, გასაყიდად მწვანე ხახვის დათესვას ვაპირებ,“ – ამბობს შორენა.

გადაბეჭდვის წესი


ასევე: