Batumelebi | იპოთეკით დაზარალებულთა აქცია ბათუმში იპოთეკით დაზარალებულთა აქცია ბათუმში – Batumelebi
RU | GE  

იპოთეკით დაზარალებულთა აქცია ბათუმში

 

დღეს ბათუმში აჭარის მთავრობის სახლის წინ იპოთეკით დაზარალებულთა აქცია გაიმართა.

 

“არჩევნებამდე გვეუბნებოდნენ გამოსახლებები შეჩერებულიაო. არჩევნები დასრულდა თუ არა აღსრულების ფურცლები ყველას დაგვირიგეს ოჯახებში. ვითხოვთ გაჩერდესგამოსახლების პროცესი,” – ამბობს იპოთეკით დაზარალებული ნანი აბაშიძე. 

იპოთეკით დაზარალებული კიდევ ერთი მოქალაქე თენგიზ ფაღავა შეღავათიან კრედიტს ითხოვს.

“150 ათასი დოლარიდან 80 ათასი მაქვს დარჩენილი გადასახადი. ვარ გადამხდელუნარიანი. ვითხოვ შეასრულონ დაპირება. მოგვცენ შეღავათიანი კრედიტი და ჩვენ ამას დავფარავთ,” – ამბობს თენგიზ ფაღავა.

იპოთეკით დაზარალებულთა აქცია მთავრობის სახლთან ნახევარ საათს გაგრძელდა. მათი განცხადებით თუკი მთავრობის მხრიდან ყურადღება არ იქნება ისინი შიმშილობას დაიწყებენ.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"