Batumelebi | ბათუმის ახალი ლოგო შერჩეულია ბათუმის ახალი ლოგო შერჩეულია – Batumelebi
RU | GE  

ბათუმის ახალი ლოგო შერჩეულია

 

ბათუმის მერიის ოფიციალურ ვებგვერდზე დასრულდა ქალაქ ბათუმის ახალი სიმბოლოს შერჩევის ხმის მიცემის პროცესი. ხმათა უმრავლესობით საზოგადოებამ ბათუმის ლოგოს მესამე ვარიანტი შეარჩია. 

 

ბათუმის ლოგო
ბათუმის ლოგო

ინფორმაციას ამის შესახებ კომპანია “ეისითი” ავრცელებს. ფეისბუქის ოფიციალურ გვერდზე კომპანია ბათუმის ლოგოსთან დაკავშირებულ აზრთა სხვადასხვაობასაც ეხმაურება: 

 

“ლოგო ყოველთვის ხდება დავის მიზეზი, მაგრამ არჩევანის გაკეთების დროს მნიშვნელოვანია გათვალისწინებული იყოს ის იდეა, რასაც ლოგო უნდა გადმოსცემდეს. 

 

იდეა კი ასეთია: ბათუმი არის თავისუფლების, ჩარჩოებს გარეთ აზროვნების ქალაქი, რომელიც შენ შენი თავის, ოცნებების, სურვილების, შესაძლებლობების გამოხატვის საშუალებას გაძლევს. ეს ერთგვარი თავისუფლების დღესასწაულია, რომელსაც ლოგოში ფოერვერკი გამოხატავს. 

 

ჩვენთვის გასაგებია, რომ ადამიანებს გული წყდებათ, როცა ვერ მონაწილეობენ ასეთ მნიშვნელოვან პროექტებში. თუმცა არ არის გასაგები ის ტაქტიკა, რომელსაც ზოგიერთი მათგანი იყენებს კონკურენტთან ბრძოლაში. ზოგი ისე შორს მიდის, რომ კონკურენტის სიძულვილით ეჭვქვეშ აყენებს კლიენტის, ამ შემთხვევაში სახელმწიფო სტრუქტურის კომპეტენციას. 
თუმცა სასიხარულოა, რომ კონკურენტებშიც არიან პროფესიონალები, რომლებიც სხვისი შემოქმედების კრიტიკის თუ შეფასების დროს არიან თანმიმდევრულნი და ობიექტურები.

ბრენდირების ერთ-ერთი ყველაზე მნიშვნელოვანი ეტაპი დასრულდა და მადლობა გვინდა გადავუხადოთ თითოეულ იმ მოქალაქეს, რომელმაც მიიღო მონაწილეობა ქალაქ ბათუმის ლოგოს შერჩევის პროცესში” – ნათქვამია განცხადებაში. 

 

ბათუმის ლოგოს შერჩევაში სულ 2429 -მა ადამიანმა მიიღო მონაწილეობა, მათგან 1243-მა (51.17%) ლოგოს მესამე ვარიანტს მისცა ხმა. 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"