Batumelebi | ბათუმში ახალი საავადმყოფოს მშენებლობა დასასრულს უახლოვდება ბათუმში ახალი საავადმყოფოს მშენებლობა დასასრულს უახლოვდება – Batumelebi
RU | GE  

ბათუმში ახალი საავადმყოფოს მშენებლობა დასასრულს უახლოვდება

 

აჭარის ავტონომიური რესპუბლიკის მთავრობის თავმჯდომარე არჩილ ხაბაძემ და აჭარის ჯანდაცვის მინისტრმა ნუგზარ სურმანიძემ, თურქეთის საგანმანათლებლო და ჯანდაცვის სფეროს წარმომადგენლებთან ერთად, საავადმყოფოსა და უნივერსიტეტის მშენებლობა მოინახულეს, რომელიც დასასრულს უახლოვდება.

 

„ბაჰჩეშეჰირის“ უნივერსიტეტის სამედიცინო ფაკულტეტის გახსნა, ქ. ბათუმში, ბაგრატიონის ქუჩაზე სამედიცინო დაწესებულებასთან ერთად იგეგმება. მშენებარე მრავალფუნქციური საავადმყოფო 100 საწოლზეა გათვლილი და ის, წლის ბოლომდე გაიხსნება.


პაციენტები აქ კარდიოქირურგიულ მომსახურებასთან ერთად, თითქმის ყველა სახის სამედიცინო მომსახურების მიიღებენ.


საავადმყოფოსა და უნივერსიტეტის მშენებლობა თურქული ინვესტიციით ხორციელდება.

 

უნივერსიტეტში სწავლა ინგლისურ ენაზე წარიმართება. „BAU”-ს უნივერსიტეტი ქ. სტამბოლში მდებარეობს, უმაღლეს საგანმანათლებლო დაწესებულებაში სწავლა 9 ფაკულტეტზე მიმდინარეობს, ხორციელდება 2 სადოქტორო პროგრამა. უნივერსიტეტში განათლებას 17 ათასი სტუდენტი ღებულობს.

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"