ადგილობრივი თვითმმართველობის არჩევნების მეორე ტური აჭარაში ბათუმში, ქობულეთსა და ხულოში გამიმართა. გამარჯვება ყველგან “ქართული ოცნების” კანდიდატმა მოიპოვა.
ბათუმში 77,29 % ით “ქართული ოცნების” კანდიდატმა, გიორგი ერმაკოვმა მოუგო “ერთიანი ნაციონალური მოძრაობის” კანდიდატს, გიორგი დიასამიძეს. დიასამიძემ ხმების 22,71 % მიიღო.
ქობულეთის გამგებელი “ქართული ოცნების” კანდიდატი სულხან ევგენიძე გახდა ხმების 76,3%-ით, მისმა კონკურენტმა ერთიანი ნაციონალური მოძრაობიდან რევაზ ხარაზმა კი 23,7% მიიღო.
“ქართული ოცნების” კანდიდატმა მოიპოვა გამარჯვება ხულოშიც. ხულოს გამგებელი სახელისუფლებო კანდიდატი ბესიკ ბაუჩაძე გახდა. მან საარჩევნო ხმების 59.42% მიიღო. მას კონკურენციას საქართველოს პატრიოტთა ალიანსის კანდიდატი ემზარ ბოლქვაძე უწევდა, რომელმაც ხმების 40,58 % მიიღო.
