როგორც “ენერგოპრო ჯორჯიას” საზოგადოებასთან ურთიერთობის სამსახურის უფროსმა ავთო დვალიშვილმა “ბათუმელებს” განუცხადა 35 კილოვოლტიან ქვესადგურში ელექტრო ენერგია ავარიულად გაითიშა.
“დაბა ხულოს უკვე მიეწოდა ელექტრო ენერგია. ქვესადგური ღორჯომია აღსადგენი და საათნახევარში აღდგება. ამ დროისთვის სამ თემში მცხოვრები 1000 აბონენტია დენის გარეშე დარჩენილი. ელექტრო ენერგია არ მიეწოდება 4 საარჩევნო უბანს,” – ამბობს ავთო დვალიშვილი.
ხულოს საოლქო საარჩევნო კომისიის თავმჯდომარის, ნოდარ მელაძის თქმით, საარჩევნო პროცესი ხულოში შეუფერხებლად მიმდინარეობს. საჭიროების შემთხვევისთვის, ყველა საარჩევნო უბანი სანთლებითა და ელექტრო ფარნებითაა აღჭურვილი.
განახლება:
19:45 წუთისათვის ხულოში ელექტრო ენერგიის მიწოდება სრულად აღდგა.