Batumelebi | ბათუმის მერობის კანდიდატი: არჩევნები მიდის პოლიტიკური რეპრესიების ფონზე ბათუმის მერობის კანდიდატი: არჩევნები მიდის პოლიტიკური რეპრესიების ფონზე – Batumelebi
RU | GE  

ბათუმის მერობის კანდიდატი: არჩევნები მიდის პოლიტიკური რეპრესიების ფონზე

 

4 ივლისს, თბილისის საქალაქო სასამართლოსთან მომხდარ ინცინდენტს, რომელიც გიგი უგულავასათვის წინასწარი პატიმრობის შეფარდებას მოჰყვა, ბათუმის მერობის კანდიდატი “ნაციონალური მოძრაობიდან”, გიორგი დიასამიძე აფასებს. 

 


“ეს არის აშკარად პოლიტიკური დევნა, რომელიც თვეებია მინდინარეობს. რაც შეეხება გუშინდელ ინცინდენტს, ამ ხალხმა პრაქტიკულად ჩამოიხსნა ნიღაბი, საქართველოს მთავრობა მყავს მხედველობაში. ერთადერთი არგუმენტი, რაც მათ დარჩათ, ეს არის პოლიციური ძალა, მუშტი-კრივი. ეს ხალხი არ იძიებს არა მარტო იმას, რასაც არჩევნების წინ დაპირდნენ საზოგადოებას, არ იძიებენ ბოლო დროს მომხდარ კრიმინალურ შემთხვევებსაც, იგივე ტეტემაძის ცემის ფაქტს, რომელიც ბათუმში მოხდა.

ნუგზარ წიკლაურის საქმეში, რამდენდაც მე ვიცი, ადამიანი ასახელებს მანქანის მარკას, ფერს, ნომერს და არ მოხერხდა იმ ხალხის მოძებნა, ვინც ტენიდა საქართველოს პარლამენტის წევრს მანქანაში~ – განაცხადა გიორგი დიასამიძემ.

 

მისი თქმით, ბოლო თვეების მანძილზე მიმდინარე მოვლენები აჩვენებს, რომ სიტუაცია ქვეყანაში დემოკრატიასთან დაკავშირებით გაუარესდება და მოსალოდნელია რეპრესიები, `მეტს არაფერს ალბათ ჩვენი მთავრობა ვერაფერს ვერ შემოგვთავაზებს, არჩევნების მეორე ტურის ახლოს გადმოტანა, ეს ყველაფერი არის იმისთვის, რომ მათი კანდიდატები გავიდნენ უპრობლემოდ.” – ამბობს ის. 

 

კითხვაზე, მისი აზრით, ეს როგორ აისახება მოსახლეობის არჩევანზე მოახლოებულ არჩევნებზე, `ქართული ოცნების~ თუ “ნაციონალური მოძრაობის” სასარგებლოდ, გიორგი დიასამიძე პასუხობს:

 

`საზოგადოებრივი აზრი გაიყოფა ჩემი აზრით,  ვიღაც ჩათვლის, რომ ეს არის შეცდომა და ხმას მისცემს ოპოზიციას, ვიღაც ჩათვლის, რომ ეს არის ~სამართლიანობის აღდეგანა” და ხმას მისცემს მთავრობას, მაგრამ მთავარი ის არის, რომ მთელი საზოგადოებისათვის გასაგებია – არჩევნები მიდის არადემოკრატიულად და პოლიტიკური რეპრესიების ფონზე.~

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"