Batumelebi | უმაღლესი საბჭოს დეპუტატი: ჯაბა ცოლი გყავს შენ? იცი რა ხმები დადის შენზე? უმაღლესი საბჭოს დეპუტატი: ჯაბა ცოლი გყავს შენ? იცი რა ხმები დადის შენზე? – Batumelebi
RU | GE  

უმაღლესი საბჭოს დეპუტატი: ჯაბა ცოლი გყავს შენ? იცი რა ხმები დადის შენზე?

 

ტელეარხი  25  ჟურნალისტ ჯაბა ანანიძისა და აჭარის უმაღლესი საბჭოს დეპუტატის მედეა ვასაძის სატელეფონო საუბარს აქვეყნებს.  სატელეფონო საუბრისას მედეა ვასაძე ჟურნალისტს პროკურატურით ემუქრება

 

უმაღლესი საბჭოს დეპუტატი: „ახლა მე ვიწყებ შენს წინააღმდეგ მუშაობას. ხვალ უნდა დავურეკო პროკურორს და უნდა ვუთხრა რომ შენ ჯაბა ანანიძე რომ აფურთხებ ცხვიმპირში რესპუბლიკის პროკურორს და პროკურატურას როგორ არ გრცხვენია. აი რამდეხანს უნდა აჯიჯგნინო საკუთარი თავი მეთქი ვეტყვი პროკურორს და მედეა ვასაძე მეთქი.

 

უმაღლესი საბჭოს დეპუტატი: ჯაბა ცოლი გყავს შენ?

 

ჟურნალისტი: არა

 

უმაღლესი საბჭოს დეპუტატი: ახლა რა მინდა გითხრა მე შენ. ქალაქში რა ხმები დადის შენზე იცი?

 

ჟურნალისტი: რა ხმები დადის?

 

უმაღლესი საბჭოს დეპუტატი: იცი რა ხმები დადის? რომ საეჭვო მიხვრა მოხვრა აქვსო ჯაბასო.

 

ჟურნალისტი: რას ნიშნავს საეჭვო მიხვრა მოხვრა?

 

უმაღლესი საბჭოს დეპუტატი:  აი ორიენტაციას აყენებენ შენსას ეჭვის ქვეშ. 

 

მედეა ვასაძე აჭარის უმაღლეს საბჭოში ადამიანის უფლებათა დაცვის საკითხთა კომისიის თავმჯდომარის პოსტს იკავებს. 

 

უმაღლესი საბჭოს დეპუტატის მიერ განხორციელებულ მუქარაზე, ჟურნალისტი ჯაბა ანანიძე დღეს, 4 საათზე, დემოკრატიული ჩართულობის ცენტრში საგანგებო ბრიფინგს გამართავს. ჟურნალისტის განცხადებით მედეა ვასაძის ზარი მის მიერ მომზადებულ საგამოძიებო ფილმს მოჰყვა.

 

ჯაბა ანანიძის მიერ მომზადებული საგამოძიებო ფილმი “უმაღლესი კომფორტით” ტვ 25-ის ეთერში 8 ივნისს გავიდა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"