Batumelebi | ბათუმში აივნის ჩამონგრევას ორი ადამიანი ემსხვერპლა ბათუმში აივნის ჩამონგრევას ორი ადამიანი ემსხვერპლა – Batumelebi
RU | GE  

ბათუმში აივნის ჩამონგრევას ორი ადამიანი ემსხვერპლა

 

ბათუმში, ხიმშიაშვილის ქუჩის 43 ნომერში, მრავალსართულიანი საცხოვრებელი კორპუსის აივნის ჩამონგრევას ორი ადამიანი ემსხვერპლა. გარდაცვლილია ორი ქალბატონი, რომლებიც შემთხვევის დროს აივანზე იმყოფებოდნენ.

 

 

ჩამონგრევის მომენტში აივანზე სამი ადამიანი, იოსებ ბოლქვაძე, მისი მეუღლე – ეკატერინე დოლიძე და ნათესავი – იზო ბოლქვაძე იმყოფებოდა. ქალები დაიღუპნენ, მამაკაცი კი მე-8 სართულის აივანზე დავარდა. ამ წუთებში ის ბათუმის რეფერალურ საავადმყოფოშა გადაყვანილი და მის ჯანმრთელობას საფრთხე არ ემუქრება.

ბათუმის მერიის სახანძრო დაცვისა და საგნგებო სიტუაციათა სამსახურის უფროსის, ხუსეინ სირაბიძის თქმით ამ ეტაპზე მიმდინარეობს სამუშაოები, დარჩენილი აივნის ნაწილის ჩამოსახსნელად – “ეს ძველი, სტანდარტული ტიპის აივანია და იმას თუ რამ გამოიწვია მისი მოწყვეტა, გამოძიება დაადგენს”– ამბობს ის.

შს სამინისტროს პრესსამსახურის  ინფორმაციით, გამოძიება სს კოდექსის 116-ე მუხლის მეორე ნაწილით (სიცოცხლის მოსპობა გაუფრთხილებლობით ორი ან მეტი პირის მიმართ) მიმდინარეობს.

იმავე კორპუსის, სხვა აივნები:

ნეტგაზეთის მასალების სხვა გამოცემებში გადაბეჭდვის წესი
"ბათუმელები"