Batumelebi | ბათუმის მერია მწერებს ებრძვის ბათუმის მერია მწერებს ებრძვის – Batumelebi
RU | GE  

ბათუმის მერია მწერებს ებრძვის

 

 

შპს „სანდასუფთავება“ ბათუმის მერიის პროგრამის – „ქალაქის ტერიტორიის დეზინსექცია-დერატიზაციის მომსახურების“ – ფარგლებში მავნე მწერებისა და მღრღნელების განადგურების სამუშაოებს ატარებს. სახლების სადარბაზოები და სარდაფები დღეს სპეციალური ხელსაწყოთი ხიმშიაშვილის ქუჩაზე მდებარე მაღალსართულიან კორპუსების სადარბაზოებსა და სარდაფებში სპეციალური ხსნარი მოასხეს. 

 

როგორც მერიის ზედამხედველობის სამსახურის გარემოს დაცვითი და სანიტარიული ზედამხედველის განყოფილების უფროსი ნუგზარ ცეცხლაძე ამბობს, რომ პროგრამაში წელს ახალი პუნქტი დაემატა:

  

„ქალაქის ტერიტორიის დეზინსექცია-დერატიზაციის მომსახურების“ პროგრამა რამდენიმე წელია ხორციელდება. პროგრამა მოიცავს ნაგავგამტარების, ნაგავშემკრები კონტეინერების, ქალაქის ტერიტორიაზე არსებული ღია არხების, საცხოვრებელი სახლების სადარბაზოებისა და სარდაფების მწერებისა და მღრღნელებისაგან გაწმენდას. წელს დაემატა ახალი პუნქტი, რომელიც აქამდე არ ხორციელდებოდა. ეს არის იტალიური ეზოების, ერთსართულიანი და ორსართულიანი მრავალბინიანი სახლების ეზოებისა და სარდაფების, მრავალსართულიანი საცხოვრებელი სახლების სხვენების, დეზინსექცია (მავნე მწერების განადგურება) სულ 97 სახლში“.

 

პროგრამის მიხედვით „სანდასუფთავება“ ქალაქის 11 550 ადგილზე მღრღნელების საწინააღმდეგო სამუშაოებს ჩაატარებს. 31 ჰექტარზე, 4020 სახლში, 187 ნაგავგამტარსა და 15 400 ნაგავმშემკრებ კონტეინერში  თვეში ერთჯერ, ოქტომბრამდე, მწერების საწინააღმდეგო ხსნარს მოასხურებენ.

 

 

მწერებს ბათუმის სანდასუფთავების სამსახური სპეციალური ტექნიკითა და შვიდი სახის პრეპარატით ებრძვის.

 

შპს „სანდასუფთავების“ სადეზინფექციო სამსახურის ხელმძღვანელის ედუარდ ზაქარაძის თქმით, პრეპარატები გარემოს ზიანს არ აყენებს:

 

 

„ძირითადად არის ევროპული წარმოების ხსნარები. მოსახლეობისთვის და სხვადასხვა ძუძუმწოვარი ცხოველებისთვის საფრთხეს არ წარმოადგენს. პრეპარატები საქართველოს ჯანდაცვისა და სოფლის მეურნეობის სამინისტროს მიერ დასაშვებ ხსნართა სიაში შედის. თუ ხსნარის რომელიმე კომპონენტი არ არის რეგისტრირებული, ქვეყანაში ის ვერ შემოაღწევს“.

 

 

ნუგზარ ცეცხლაძის თქმით: „თუ მოქალაქები მოგვმართავენ მერიაში განცხადებით, ან მერიის ცხელ ხაზზე (27-26-06), რომ ჩვენს ეზოს ჭირდება დეზინსექცია, ჩვენი ჯგუფი გავა და ჩაატარებენ სამუშაოებს“.

 

 

მწერებთან და მღრთნელებთან ბრძოლის პროგრამისათვის ბათუმის ბიუჯეტიდან 185 215 ლარია გამოყოფილი.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი