ადვოკატის, ირაკლი შავაძის განმარტებით, შეხვედრის მიზანია დეპუტატებს ინფორმაცია მიაწოდონ პროკურატურის უკანონო ქმედებებზე, კონკრეტულად კი დაპატიმრებებისა ფაქტებზე.
ადვოკატები ითხოვენ პარლამენტმა დაიბაროს პროკურატურის წარმომადგენელი პარლამენტში.
მიმართვას ოცზე მეტი ადვოკატი უერთდება, მათ შორის არიან ყოფილი მოსამართლეები და ახალგაზრდა იურისტთა ასოციაციის იურისტები.
ირაკლი შავაძე ირწმუნება, რომ ხელვაჩურის საჯარო რეესტრის თანამშრომლები პროცედურული დარღვევებით, უკანონოდ არიან პატიმრობაში.
იუსტიციის სამინისტროს მიერ გავრცელებული ინფორმაციით, ბრალდებულ პირებს ხელვაჩაურიდან ყალბ საკადასტრო აზომვითი ნახაზების დამზადებასა და მდინარეების- ჭოროხისა და აჭარისწყლის კალაპოტებში მდებარე სახელმწიფო მიწების მისაკუთრებას ედავებიან.
საჯარო რეესტრის გარდა ბრალდებულია გლეხებიც და სოფლის რწმუნებულებიც. რამდნიმე მათგანი კი მოწმის სტატუსით დაკითხეს.
ადვოკატები 26 აპრილს, 11 საათზე აქციის ჩატარებას აპირებენ დრამატულ თეატრთან და როგორც ამბობენ ამ ფორმით პროკურატურის უკანონობას გააპროტესტებენ.
