ნეტგაზეთი • RU

საქართველოს უმაღლეს სასწავლებლებში 140 ათასზე მეტი სტუდენტი სწავლობს

2016-2017 სასწავლო წლის დასაწყისისთვის არსებული მონაცემებით, საქართველოს უმაღლეს საგანმანათლებლო დაწესებულებებში 140 261 სტუდენტი სწავლობს, აქედან 8012 არის უცხოელი. ამასთან, 91 740 სტუდენტი სწავლობს სახელმწიფო, ხოლო  48 521 – კერძო უმაღლეს სასწავლებელში.

საზღვარგარეთ სასწავლებლად გაგზავნილია 565 სტუდენტი. აქედან 400 – სახელმწიფო, ხოლო 165 სტუდენტი – კერძო უმარლესი სასწავლებლებიდან.

საქართველოს უმაღლეს სასწავლებლებში 71 593 სტუდენტი არის ქალი, ანუ, სტუდენტთა საერთო რაოდენობის 51%.

გასულ სასწავლო წელთან შედარებით კი, მიმდინარე სასწავლო წელს, ქვეყნის უმაღლეს სასწავლებლებში 7 317 სტუდენტით მეტი სწავლობს.

საქსტატის მონაცემებით, საქართველოში დღეს 74 უმაღლესი საგანმანათლებლო დაწესებულებება, საიდანაც 20 – სახელმწიფოა, ხოლო 54 – კერძო.


ფიტო: „ბათუმელების“ არქივიდან

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com